Charter Document - 07300138
| Charter Number: | 07300138 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1252 - 1264 |
| Date type: | Assigned |
| Resource Link(s): |
People of Medieval Scotland |
Charter:
Omnibus presentem cartam visuris vel audituris Rogerus de Quincy comes Wintonie et constabularius Scotie eternam in Domino salutem Noverit universitas vestra nos divine pietatis intuitu et pro salute anime nostre et Alyenore sponse mee et pro animabus Alani de Galwythya et Helene filie sue quondam sponse nostre et pro animabus antecessorum et successorum meorum dedisse concessisse et presenti carta mea confirmasse pro nobis et heredibus nostris Deo et ecclesie beate Marie de Driburgh et abbati et conventui ibidem Deo servientibus et inperpetuum servituris in liberam puram et perpetuam elemosinam totum boscum nostrum de Gleddiswod per suas rectas divisas sine aliquo retine mento cum solo ejusdem bosci et cum pastura et omnibus alijs aysiamentis et pertinentijs ad dictum boscum pertinentibus Tenendum et habendum de nobis et hominibus nostris dictis abbati et conventui et omnibus eorum successoribus inperpetuum adeo bene libere et quiete sicut aliqua elemosina in regno Scotie melius liberius quietius dari potuerit et concedi Dicti autem abbas et conventus et eorum successores die obitus nostri et singulis annis die anniversarij nostri pro anima nostra divine caritatis intuitu plenarium facient servitium inperpetuum sicut pro uno abbate sui ordinis Et nos et heredes nostri dictum boscum cum solo ejusdem et pastura et omnibus pertinentijs sicut predictum est dictis abbati et conventui et eorum successoribus contra omnes inperpetuum warantizabimus acquietabimus et defendemus In cujus rei testimonium presenti scripto sigillum meum duximus apponendum