Charter Document - 07300135
| Charter Number: | 07300135 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1250 - 1300 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum [] Johannes de Haga filius et heres Petri de Haga dominus de Bemersyd salutem Noveritis me divine pietatis intuitu et pro salute anime mee et pro animabus omnium antecessorum et successorum meorum mera et spontanea voluntate concessisse et presenti scripto confirmasse Deo et ecclesie beate Marie de Driburgh et canonicis ibidem Deo servientibus et inperpetuum [servituris] donationem Petri de Haga patris mei super illa portione nemoris de Flatwod que incipit ad crucem lapideam sitam in capite dicti nemoris descendendo per viam que vocatur Horsmangate usque ad Munkeford de Twede et [de] Munkeford ascendendo juxta fossam adherentem terre de Driburgh usque ad magnam viam existentem inter Flatwode et Trepwod et sic [per] totam magnam viam usque ad capud de Horsmangate in liberam puram et perpetuam elemosinam Quare volo et concedo pro me et heredibus meis ut dicti religiosi dictam partem nemoris teneant et possideant adeo libere et quiete sicut aliqui religiosi aliquam elemosinam in regno Scotie tenent vel possident aut tenere poterunt vel possidere una cum libero introitu et exitu per totam terram meam cum cariagijs et rebus suis exceptis terris feminatis et pratis non falcatis Ego vero Johannes et heredes mei omnem donationem patris mei prenominatam et meam contra omnes homines et feminas warantizabimus et ab omni exactione seculari consuetudine et demanda acquietabimus et inperpetuum defendemus In cujus rei testimonium presenti scripto sigillum meum apposui Testibus []