Charter Document - 07300134
| Charter Number: | 07300134 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1250 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum [] Petrus de Haga dominus de Bemersyd salutem in Domino Noveritis me divine pietatis intuitu et pro salute anime mee et Katerine sponse mee et pro animabus omnium antecessorum et successorum meorum dedisse concessisse et hac presenti carta confirmasse Deo et ecclesie sancte Marie de Driburgh et canonicis ibidem Deo servientibus et inperpetuum servituris totam illam partem nemoris mei de Flatwod que incipit ad crucem lapideam sitam in capite dicti nemoris descendendo per viam que vocatur Horsmangate usque ad Munkeford de Twede et de Munkeford ascendendo juxta fossam adherentem terre de Driburgh usque ad magnam viam existentem inter Flatwod et Trepewod et sic [per] totam illam viam usque ad capud de Horsmangate Hanc autem donationem meam prenominatam dedi et concessi dictis abbati et conventui pro me et heredibus meis in liberam puram et perpetuam elemosinam cum libero introitu et exitu per totam terram meam cum caritagijs et rebus suis exceptis terris feminatis et pratis non falcatis Quare volo et concedo pro me et heredibus meis ut dicti religiosi dictam partem nemoris teneant et possideant inperpetuum adeo libere et quiete sicut aliqui religiosi in regno Scotie aliquam elemosinam liberius et quietius tenent et possident aut tenere poterint vel possidere Ego vero et heredes mei has meas donationes prenominatas dictis viris religiosis contra omnes homines et feminas warantizabimus et ab omni exactione seculari consuetudine et demanda acquietabimus et inperpetuum defendemus In cujus rei testimonium presenti scripto sigillum meum apposui Testibus []