Charter Document - 07300131
| Charter Number: | 07300131 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1258 - 1293 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus [] Henricus de Bisingham salutem Noverit universitas vestra me divine pietatis intuitu dedisse concessisse et hac mea carta confirmasse Deo et beate Marie et abbati et conventui de Driburgh totam terram illam quam habui ex dono domini Ricardi Mautaland in territorio de Thirlestan scilicet totam terram cum toftis et croftis que Oswinus faber tenuit infra feodum de Thirlestan cum viginti acris proximo adjacentibus in dominico domini de Briggeflat scilicet in occidentali parte cujusdam culture proxime infra terram quam Robertus Smel habuit in eadem cultura et cum terris que vocantur Crukes que quondam fuerunt Adam Kyngesselawe et cum duobus pratis que vocantur Langelethes et cum augmento totius illius terre que vocatur Brumcrok que jacet inter predictas Crukes et prefata prata ex australi parte ovilis mei et cum uno tofto et crofto proximo domui prefati Oswyni ex oriente cum tribus acris terre in territorio ejusdem ville pertinentibus ad predictum toftum Tenenda et habenda sibi inperpetuum in liberam puram et perpetuam elemosinam ita libere quiete plenaria et honorifice et integre ab omni servicio et auxilio et cosfuetudine et exactione cum omnibus communibus aysiamentis et libertatibus infra et extra dictam villam de Thirlestan pertinentibus sicut in carta dicti domini Ricardi Mautalent super hijs confecta et mihi collata plenius continetur Hanc autem elemosinam prefate domui libere contuli et de consensu abbatis et conventus ad pitanciam in festo omnium sanctorum fratribus meis annuatim inperpetuum faciendam pro salute anime mee et uxoris mee et antecessorum et successorum meorum caritative assignavi Ut autem hec mea libera donatio perpetuum robur optineat firmitatis presentem cartam jam dictis abbati et conventui contuli sigillo meo roboratam una cum carta prefati domini Ricardi Mauteland mihi super hijs collata Testibus []