Charter Document - 07300123
| Charter Number: | 07300123 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1228 - 1260 |
| Date type: | Assigned |
| Resource Link(s): |
People of Medieval Scotland |
Charter:
Universis Christi fidelibus [] Ricardus Mautaland salutem in Domino Noverit universitas vestra me divine pietatis intuitu et pro salute anime mee et pro salute Auicie sponse mee et pro salute animarum omnium antecessorum meorum et successorum meorum dedisse concessisse et hac mea carta confirmasse Deo et ecclesie sancte Marie de Driburgh et canonicis ibidem Deo servientibus et inperpetuum servituris totam illam terram in territorio meo de Thirlestan que vocatur Houbeuchousyd per istas divisas incipiendo scilicet a siketo illo qui dicitur Butheslad sicut siketus ille cadit in rivulum Houbeuchou versus orientem et a dicto siketo ascendendo per stratam publicam que tendit usque Egrop versus aquilonem usque ad quendam parvum collem juxta metas terre que fuit Walteri clerici et sic a dicto colli in transverso usque ad dictum rivulum de Houbeuchou et sic descendendo versus austrum sicut ipse rivulus currit usque ad descensum dicti siketi de Butheslade Tenendam et habendam dictis canonicis in liberam puram et perpetuam elemosinam scilicet ita libere quiete plenaria et honorifice sicut aliqua elemosina de dono alterius baronum tenetur liberius quietius plenius melius et honorificentius in toto regno Scotie cum omnibus communibus aysiamentis ad villam de Thirlestan pertinentibus salva tertia parte domine Agnetis quondam sponse Thome de Thirlestan in vita sua Dicta vero Agnete cedente vel decedente tota dicta terra per divisas prenominatas cedet in usus dictorum canonicorum libere et sine aliqua inpetitione mei vel heredum meorum Ego vero et heredes mei hanc dictam donationem concessionem et confirmationem factam dictis canonicis contra omnes homines et feminas warantizabimus acquietabimus et defendemus inperpetuum Ad majorem autem hujus donationis mee securitatem presentem cartam sigilli mei appositione roboravi Testibus []