Charter Document - 07300120
| Charter Number: | 07300120 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1248 - 1267 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum [] Eufemia comitissa sponsa quondam Patricij comitis de Dumbar eternam in Domino salutem Noverit universitas vestra me divine pietatis intuitu cum essem in tempore viduitatis mee et in legitima potestate mei constituta concessisse et mea carta presenti confirmasse Deo et sancte Marie et fabrice ecclesie de Driburgh et canonicis ibidem Deo servientibus pro anima domini mei Patricij comitis et pro salute anime mee et omnium antecessorum et successorum meorum donum quod dominus meus comes Patricius eisdem canonicis fecit et operi predicte ecclesie assignavit scilicet unam marcam de firma de Kirkinsyde de libero maritagio meo inperpetuum singulis annis percipiendam scilicet medietatem ad Pentecosten et medietatem ad festum sancti Martini in hyeme sicut carta ipsius testatur Tenendam et habendam de me et heredibus meis in puram et perpetuam elemosinam ita libere et quiete sicut aliqua elemosina in regno Scocie liberius et quietius ab aliquibus viris religiosis tenetur vel possidetur Volo igitur ut post decessum meum in die anniversarij mei predicta elemosina conventui assignetur ad pitantiam In cujus rei testimonium presenti scripto sigillum meum apponi feci Testibus []