Charter Document - 07300119
| Charter Number: | 07300119 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1214 - 1232 |
| Date type: | Assigned |
| Resource Link(s): |
People of Medieval Scotland |
Charter:
Universis Christi fidelibus [] Patricius filius comitis de Dunbar eternam salutem in Domino Noverit universitas vestra me dedisse concessisse et hac carta mea confirmasse Deo et beate Marie de Driburgh et novo operi ecclesie et canonicis ibidem Deo servientibus pro salute anime mee et sponse mee et omnium antecessorum et successorum meorum et pro anima Willelmi regis Scotie et pro animabus patris et matris mee annuatim unam marcam argenti singulis annis de me et heredibus meis inperpetuum percipiendam de firma mea de Kyrkynsyd ad ipsius ecclesie edificationem et emendationem in liberam puram et perpetuam elemosinam ita libere et quiete sicut aliqua elemosina in regno Scotie liberius tenetur et possidetur dimidiam ad Pentecosten et dimidiam ad festum sancti Martini Canonici vero prenominati caritatis intuitu nos scilicet me et sponsam meam et heredes nostros receperunt in fraternitatem et participationem beneficiorum ecclesie sue inperpetuum Testibus []