Charter Document - 07300115
| Charter Number: | 07300115 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Announcement |
| Date: | 1200 - 1232 |
| Date type: | Assigned |
| Resource Link(s): |
People of Medieval Scotland |
Charter:
Patricius filius Patricij comitis de Dunbar universis sancte matris [] salutem Noverit universitas vestra quod cum quedam contentio et controversia orta fuisset inter Patricium comitem de Dumbar patrem meum ex parte una et abbatem et conventum de Driburgh ex altera super rectis divisis inter terram de Ercildon et grangiam dicti conventus de Cadesley tandem dictus Patricius pater meus intuitu pacis et caritatis ipsos canonicos de Driburgh super dictis divisis certificavit et eisdem canonicis rectas divisas inperpetuum tenendas coram probis hominibus suis perambulavit scilicet incipiendo ab eo loco quo siketus qui est proximus de Redehouch cadit in Ledar et sic ascendendo versus occidentem usque ad quoddam vetus fossatum et sic per transversum planiciei usque ad quendam acervum lapidum qui vocatur Harlaw et inde descendendo usque in Dunenisden ad Hunterifford Quam autem perambulationem et dicte terre per prenominatas divisas certificationem universitati vestre significo me dictis canonicis de Driburgh concessisse et hac presenti carta mea inperpetuum confirmasse pro salute anime mee et omnium antecessorum et successorum meorum adeo libere quiete plenaria et honorifice sicut aliqua elemosina ab aliquibus viris religiosis in regno Scotie liberius quietius plenarius et honorificentius tenetur et possidetur per omnia sicut carta dicti patris mei eisdem canonicis super hoc confecta testatur plenius et proportat Ego autem et heredes mei totam terram cum dictis divisis contra omnes homines prefatis canonicis warantizabimus Testibus []