Charter Document - 07300114
| Charter Number: | 07300114 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Announcement |
| Date: | 1182 - 1232 |
| Date type: | Assigned |
| Resource Link(s): |
People of Medieval Scotland |
Charter:
Comes Patricius omnibus Christi [] salutem Noveritis quod ego pro quadam contentione et controversia que fuit inter me et canonicos de Driburgh de rectis divisis inter terram meam de Ercildon et grangiam eorum de Caddesley intuitu pacis et caritatis et pro salute anime mee et antecessorum et successorum meorum dictos canonicos super dictis divisis certificati et eisdem canonicis rectas divisas inperpetuum tenendas coram probis hominibus meis perambulavi scilicet incipiendo ab eo loco quo siketus qui est proximus Redehouch cadit in Leder et sic ascendendo versus occidentem usque ad quoddam vetus fossatum et sic per transversum planiciei usque ad quendam acervum lapidum qui vocatur Harlaw et inde descendendo usque in Dunenisden ad Hunterifford Quare volo et concedo ut dicti canonici totam terram infra has divisas contentam versus grangiam suam de Cadesley inperpetuum teneant et possideant in bosco et in plano sine impedimento mei vel heredum meorum adeo libere quiete plenaria et honorifice sicut aliqua elemosina liberius quietius plenius et honorificentius possit dari vel teneri in regno Scotie Ego autem et heredes mei dictam terram cum dictis divisis contra omnes homines dictis canonicis warantizabimus Testibus []