Charter Document - 07300108
| Charter Number: | 07300108 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Announcement |
| Date: | 1214 - 1240 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris [] magister Laurentius archidiaconus sancti Andree magister Alexander de sancto Martino Radulphus decanus Loudonie salutem Sicut boni judicis est lites semper odiosas dirimere ita ad ejus spectat diligentiam cum semel fuerint decise ne iterum valeant recidiva questione suscitari providere Ea propter volumus ad omnium notitiam pervenire quod coram nobis non ex delegatione aliqua sed ordinaria jurisdictione inter abbatem et conventum de Driburgh ex parte una et priorissam et moniales de Suthberwick ex altera super quasi spoliatione immunitatis prestationis decime de quodam batello canonicorum in insula de Elbotyll in capitulo Loudonie questio verteretur partibus in jure presentibus et lite solempniter contestata testibus inductis et eorum depositionibus in scripta redactis demum post renunciationem publicatis partibus diem statuimus disputationis quibus diligenter auditis et plene intellectis evidenter perpendimus ac dilucide spoliationem quam intentabant canonici probatam plene necnon et moniales que dicebant se jure suo usas decimas capiendo in sue assertionis probacione penitus defecisse Nos vero post disputationes et rationes partium intellectas communicato prudentium virorum capituli Loudonie consilio diffinitive pronunciavimus canonicos esse restituendos immunitati prestationis decime predicti batelli salva monialibus questione super proprietate salva etiam predictis canonicis questione super dampnis et expensis ab eis occasione dicte litis factis Ut autem hec nostra sententia robur perpetue firmitatis optineat sigillorum nostrorum appositione presens scriptum roboravimus