Charter Document - 07300107
| Charter Number: | 07300107 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1250 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris [] Johannes de Wallibus filius Roberti de Wallibus eternam in Domino salutem Noverit universitas vestra me divine pietatis intuitu concessisse et hac presenti carta mea confirmasse Deo et ecclesie sancte Marie de Driburgh et canonicis ibidem Deo servientibus donationem illam quam pater meus prefate domui et canonicis predictis in puram et perpetuam elemosinam fecit super terra illa que vocatur Staniacre in territorio de Elbotyll proxima veteri castello ab occidente et super duabus acris propinquioribus eidem Staniacre ex parte occidentali pro salute anime mee et uxoris mee et pro animabus patris mei et matris mee et omnium antecessorum meorum et successorum meorum Tenendis de me et heredibus meis inperpetuum ita libere et quiete plenaria et honorifice sine omni servicio et seculari exactione sicut aliqua elemosina in regno Scotie liberius quietius plenius et honorificentius ab aliquibus viris religiosis tenetur et possidetur Et sciendum est quod ego et heredes mei totam terram predictam predictis canonicis contra omnes homines et dotes mulierum inperpetuum warantizabimus Ut autem hec nostra libera donatio inperpetuum rata permaneat et inconcussa presenti scripto sigillum meum apposui Testibus []