Charter Document - 07300105
| Charter Number: | 07300105 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1214 - 1253 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris [] Johannes de Wallibus salutem Sciant presentes et futuri me concessisse et hac mea carta confirmasse Deo et sancte Marie et sancto Michaeli et canonicis de Driburgh servientibus vel servituris in insula de Elbotyll ipsam infulam quam pater meus eis dedit Preterea concessi eis et confirmavi viginti acras terre et dimidiam in territorio de Elbotyll sicut perambulata fuit coram probis hominibus scilicet que jacent in parte orientis et aquilonis proxime veteri castello similiter et ipsum vetus castellum totum cum fossis suis et Stodsald et centum pedes terre ex omni parte Stodsald infra fossatum et omnes fossas et communem pasturam trecentis ovibus et decem vaccis et duodecim bobus cum omnibus aysiamentis ville de Elbotyll et Driltoune et spacium cum libero exitu ad ovile suum faciendum eis placuerit inter vetus castellum et locum qui vocatur Wakelaue et focale in petario de Elbotyll et de Driltoune si eis placuerit et coopertorium de beneta vel de alio coopertorio ad domos suas extra infulam et infra ubi eis placuerit et petram in petri fodina de Golyn ad edificia sua quantum opus habuerint Concessi et confirmavi predictis canonicis de Driburgh in predicta insula Deo servientibus terram Reginaldi Tallur cum tofto et crofto suo in villa de Driltoune in puram et perpetuam elemosinam ita quod idem Reginaldus et heredes ejus liberi et quieti ab omni seculari exactione eandem terram de dictis canonicis de Driburgh tenebunt Reddendo eis annuatim unam petram cere ad Pentecosten Concessi autem et hac mea carta confirmavi sepe dictis canonicis de Driburgh in predicta insula Deo servientibus hanc libertatem ut ubicumque in molendinis meis sint liberi a multura et ut proxime molant post eum quem molentem invenerint Hec autem omnia prenominata concessi prenominatis canonicis de Driburgh et hac carta mea confirmavi in puram et perpetuam elemosinam ita libere et quiete et honorifice sicut alique elemosine liberius quietius et honorificencius in toto regno Scotie ab aliquibus viris religiosis possidentur pro salute domini mei Alexandri regis Scotie et pro salute animarum patris et matris mee et heredum meorum et antecessorum et successorum meorum Maledictionem Dei et sancte Marie et sancti Michaelis et meam heredibus meis et successoribus meis relinquo qui has meas concessiones et confirmationes meas omnium prenominatorum quorum que dominus pater meus dedit prenominatis canonicis de Driburgh in irritum ducere temptaverint vel impugnare presumpserint Testibus []