Charter Document - 07300104
| Charter Number: | 07300104 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1165 - 1214 |
| Date type: | Assigned |
| Resource Link(s): |
People of Medieval Scotland |
Charter:
Willelmus de Wallibus omnibus sancte matris [] salutem Sciant presentes et futuri me dedisse et concessisse et hac mea carta confirmasse Deo et beate Marie et sancto Michaeli et canonicis de Driburgh servientibus vel servituris in insula mea de Elbotyll quam eis dedi et confirmavi viginti acras terre et dimidiam in territorio de Elbotyll sicut perambulata fuit coram probis hominibus scilicet que jacent in parte orientis et aquilonis proxime veteri castello similiter et ipsum vetus castellum totum cum fossis suis et Stodsaldum et centum pedes terre ex omni parte Stodsaldi infra fossatum et omnes fossas et communem pasturam trecentis ovibus et decem vaccis et duodecim bobus cum omnibus aysiamentis ville de Elbotyll et Driltoune et spacium cum libero exitu ad ovile suum faciendum eis placuerit inter vetus castellum et locum qui vocatur Wakelaue et focale in petario de Elbotyll et Driltoune si eis placuerit et coopertorium de bentta vel de alio coopertorio ad domos suas extra infulam et infra eis placuerit et petram in petri fodina de Golyn ad edificia sua quantum opus habuerint Concessi et predictis canonicis de Driburgh in predicta insula Deo servientibus terram Reginaldi Tayllur cum tofto et crofto suo in villa de Driltoun in puram et perpetuam elemosinam ita quod idem Reginaldus et [heredes] ejus liberi et quieti ab omni seculari exactione eandem terram de predictis canonicis tenebunt Reddendo eis inde annuatim unam petram cere ad Pentecosten Concessi et hac mea carta con firmavi sepe dictis canonicis de Driburgh in predicta insula Deo servientibus hanc libertatem ut [ubique] in molendinis meis sint liberi a multura et ut proxime [molant] post eum quem molantem invenerint Has autem donationes et has libertates concessi eis in puram et perpetuam elemosinam ita libere et quiete et honorifice sicut alique elemosine liberius et quietius et honorificentius in regno Scotie ab aliquibus viris religiosis possidentur pro salute domini mei Willelmi regis et pro salute anime mee et uxoris mee et pro salute animarum patris mei et matris mee et heredum meorum et successorum et antecessorum meorum Maledictionem autem Dei et sancte Marie et sancti Mychaelis et meam heredibus meis et successoribus meis relinquo qui has donationes meas et has libertates in irritum ducere temptaverint vel impugnare presumpserint Testibus []