Charter Document - 07300098
| Charter Number: | 07300098 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1222 - 1223 |
| Date type: | Internal, A.D. |
| Resource Link(s): |
People of Medieval Scotland |
Charter:
Sciant tam presentes quam futuri quod talis conventio et amicabilis compositio facta est inter canonicos sancti Andree in Scotia ex una parte et canonicos de Driburgh ex altera super quibusdam decimis bladi et piscariam scilicet quod communi consensu utriusque conventus quamdiu dicti canonici de Driburgh terram suam de Langelaw proprijs sumptibus colunt libere quiete et sine omni exactione ecclesie de Hadyngtoun et alia qualibet perturbacione retinebunt sibi et possidebunt omnes decimas dicte terre juxta tenorem privilegiorum suorum Reddendo pro bono pacis prefatis canonicis de sancti Andree duas marcas argenti annuatim ad festum sancti Michaelis quod si contingat eandem terram alijs dari vel ad firmam dimitti ecclesia de Hadyngtoun omnes decimas dicte terre plene et absque ulla contradictione percipiet Preterea ita inter eos convenit quod piscatores de parochia ecclesie de Kilrethny in portu de sancti Andree applicantes vel ibidem piscantes nullas omnino decimas vel jura ecclesiastica ecclesie de sancti Andree persolvent sed matrici eorum ecclesie de Kilrethny reservabunt reddenda similiter vero piscatores de sancti Andree in parochia de Kilrethny applicantes vel ibidem piscantes nullas omnino decimas vel jura ecclesiastica ecclesie de Kilrethny persolvent sed matrici eorum ecclesie de sancti Andree reservabunt reddenda Ad hujus autem rei stabilitatem et pacem inter predictas domus perpetuam utraque pars dictam conventionem et amicabilem compositionem presenti scripto et sigillorum suorum munimine roboraverunt Acta sunt hec anno gratie MCCXXII Testibus utriusque domus capitulis