Charter Document - 07300096
| Charter Number: | 07300096 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1170 - 1174 |
| Date type: | Assigned |
| Resource Link(s): |
People of Medieval Scotland |
Charter:
Willelmus rex Scotie abbatibus comitibus baronibus justiciarijs vice comitibus et omnibus probis hominibus totius terre sue salutem Sciant presentes et futuri me concessisse et hac mea carta confirmasse Deo et sancte Marie et canonicis de Driburgh donacionem quam Alexander de sancto Martino fecit eis pro anima Malcolmi de Morevilla scilicet Langelaw per suas rectas divisas Volo itaque et firmiter precipio ut prefati canonici prenominatam Langelaw cum omnibus justis pertinentijs suis teneant et possideant in liberam et perpetuam elemosinam ita libere quiete et honorifice sicut aliquas alias elemosinas suas liberius et quietius tenent in regno meo et sicut carta Alexandri de sancto Martino et carta Adam comitisse matris mee testantur et confirmant Confirmo et eis hac carta mea unum toftum in villa de Abirleuedi quod Ricardus episcopus Dunkeldensis eis in liberam elemosinam et perpetuam dedit Quare volo et precipio ut prenominatum toftum ita libere et quiete teneant sicut carta Ricardi episcopi Dunkeldensis testatur et confirmat Testibus []