Charter Document - 07300089
| Charter Number: | 07300089 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1222 - 1236 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris [] Henricus prior ecclesie sancti Andree in Scotia et ejusdem loci conventus eternam in Domino salutem Ad universitatis vestre noticiam volumus pervenire nos pleno assensu capituli nostri ratam et gratam habere confirmacionem quam venerabilis pater dominus Willelmus episcopus sancti Andree pia liberalitate fecit abbati et conventui de Driburgh super portione sua in parochia ecclesie de Lauder prout in scripto ejusdem exinde confecto plenius continetur Unde concedimus et auctoritate capituli nostri confirmamus ut prefatus abbas et conventus totam portionem suam cum vacaverit in usus proprios sine contradictione aliqua libere et quiete cum omni juris sui integritate perpetuis temporibus habeant et possideant sicut aliquam elemosinam sibi collatam liberius et quietius tenent et possident Ut autem hec nostra concessio et confirmacio robur optineat firmitatis eam presentis pagine testimonio et sigilli nostri appositione duximus roborare Teste capitulo nostro