Charter Document - 07300087
| Charter Number: | 07300087 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1221 - 1225 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi [] Symon Dei gracia prior ecclesie sancti Andree apostoli in Scotia et ejusdem loci conventus humilis eternam in Domino salutem Ad universitatis vestre noticiam volumus pervenire nos amicabilem compositionem inter carissimos fratres et amicos nostros abbates et conventus de Driburgh et de Kilewynnyn et nobilem virum dominum Alanum filium Rollandi constabularij Scotie coram viris venerabilibus archidiacono sancti Andree et de May et de Dunfermlyn prioribus judicibus a domino Papa delegatis sicut canonice facta est super jure patronatus ecclesie de Lawder et decimis quibusdam ad eandem ecclesiam pertinentibus ratam habuisse et eandem prout in autentico predictorum judicum delegatorum continetur quo ad nos spectat confirmasse et ad majorem hujus rei securitatem presenti scripto sigillum nostrum duximus apponendum Teste toto nostro capitulo