Charter Document - 07300082
| Charter Number: | 07300082 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1235 - 1253 |
| Date type: | Assigned |
| Resource Link(s): |
People of Medieval Scotland |
Charter:
Universis sancte matris [] Gilbertus miseratione divina Candidecase episcopus eternam in Domino salutem Quum indecens est ut domus Domini tanta paupertate vilescat ut sibi ministrans ydoneus ob hoc non valeat reperiri inde est quod abbas et conventus de Driburgh nobis intimarunt ipsorum ecclesias majoris Sowrby et minoris in substancia adeo fore tenues quod ad unius hominis vite sustentacionem ambe vix sufficerent unde ijdem nobis humiliter supplicarunt ut ex officij nostri potestate easdem unire et consolidare curaremus nosque hoc fieri posse et debere ad honorem Dei et ecclesie honestatem attendentes eorundem petitionem admisimus et easdem con solidamus idque factum nostrum auctoritate pontificali confirmamus ut ecclesia beati Michaelis minoris Sowrby loci utriusque matrix remaneat ita tamen quod eadem ecclesia sic unita quoad episcopalia synodalia et archidiaconalia et cetera contingentia in tanta quantitate respondeat in quanta eadem in duas prius divisa respondere consuevit Ut autem hec nostra concessio et consolidatio perpetue firmitatis robur optineant presens scriptum sigilli nostri appositione duximus roborandum Testibus []