Charter Document - 07300081
| Charter Number: | 07300081 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1209 - 1226 |
| Date type: | Assigned |
| Resource Link(s): |
People of Medieval Scotland |
Charter:
Universis sancte matris [] Malcolmus Dei gracia prior Candidecase et ejusdem loci conventus humilis eternam in Domino salutem Ad universitatis vestre noticiam volumus pervenire nos divine pietatis intuitu concessisse et auctoritate capituli nostri confirmasse abbati et conventui de Driburgh ordinis Premonstratensis ecclesiam sancti Foylani de majore Sowrby cum omnibus suis pertinentijs in puram et perpetuam elemosinam in usus proprios perpetuo possidendam sicut in carta domini Walteri Witternie episcopi eis collata plenius continetur Et ut hec nostra concessio et confirmacio robur optineat perpetue firmitatis eam presentis pagine testimonio et sigilli nostri munimine duximus roborandam Teste toto capitulo nostro