Charter Document - 07300080
| Charter Number: | 07300080 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1209 - 1226 |
| Date type: | Assigned |
| Resource Link(s): |
People of Medieval Scotland |
Charter:
Universis sancte matris [] Walterus Dei gracia Candidecase episcopus eternam in Domino salutem Noverit universitas vestra nos concessisse dedisse et hac nostra carta confirmasse Deo et ecclesie sancte Marie de Driburgh et canonicis ibidem Deo servientibus in liberam puram et perpetuam elemosinam ecclesiam sancti Foyliani de majore Sowreby cum omnibus pertinentijs suis tenendam perpetuo libere quiete et plenaria et honorifice Concessimus et ipsis canonicis pietatis intuitu necessitatibus eorum compatientes ut perpetuo a decessu Johannis archidiaconi nostri cui eandem ecclesiam in vita sua de eis tenendam concesserunt liceat eis libere de proventibus ipsius ecclesie ad utilitatem suam sicut sibi melius et commodius expedire viderint absque aliqua contradictione disponere et eosdem proventus in usus proprios convertere et possidere salvis episcopalibus nobis et successoribus nostris Volumus itaque et episcopali auctoritate confirmamus ut predicti canonici de Driburgh perpetuo teneant et possideant supradictam ecclesiam cum omnibus ad eandem pertinentibus ita libere quiete plenaria et honorifice sicut aliqui viri religiosi aliquod beneficium ecclesiasticum in episcopatu nostro liberius quiecius et plenius tenent et possident Testibus []