Charter Document - 07300078
| Charter Number: | 07300078 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1189 - 1209 |
| Date type: | Assigned |
| Resource Link(s): |
People of Medieval Scotland |
Charter:
Johannes Dei gracia Witternensis episcopus omnibus sancte [] eternam in Domino salutem Noverit universitas vestra nos concessisse et hac nostra carta confirmasse Deo et ecclesie sancte Marie de Driburgh et canonicis ibidem Deo servientibus in liberam et perpetuam elemosinam ecclesiam sancti Foyliani de majore Sowrby cum omnibus pertinentijs suis tenendam perpetuo libere quiete plenaria et honorifice Concessimus et ipsis canonicis pietatis intuitu necessitatibus eorum compatientes ut perpetuo a decessu Johannis capellani cui eandem ecclesiam in vicaria tenendam concesserunt liceat eis libere de proventibus ipsius ecclesie ad utilitatem suam et ecclesie sue sicut sibi melius viderint expedire disponere et eosdem proventus in usus proprios convertere et possidere salvis episcopalibus nobis et successoribus nostris Volumus itaque et auctoritate episcopali confirmamus ut predicti canonici de Driburgh perpetuo teneant et possideant supradictam ecclesiam cum omnibus ad eandem pertinentibus ita libere et quiete plenaria et honorifice sicut aliqui viri religiosi aliquid beneficium ecclesiasticum in regno Scotie liberius quietius et plenius tenent et possident salvis episcopalibus Testibus []