Charter Document - 07300074
| Charter Number: | 07300074 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1209 - 1226 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus [] Malcolmus Dei gracia prior Viternie et ejusdem loci conventus eternam in Domino salutem Ad universitatis vestre noticiam volumus pervenire nos communi assensu et consensu capituli nostri concessisse et hac presenti carta nostra confirmasse Deo et ecclesie sancte Marie de Driburgh et canonicis ibidem Deo servientibus et servituris in liberam puram et perpetuam elemosinam ecclesiam sancti Mychaelis de minore Sowrbye cum omnibus pertinentijs suis Tenendam perpetuo libere quiete et plenaria et honorifice Concessimus et ipsis canonicis ut perpetuo post decessum Johannis de Wouill clerici liceat eis libere de proventibus ipsius ecclesie ad utilitatem suam et ecclesie sue sicut sibi melius expedire viderint disponere et eosdem proventus in usus proprios convertere et possidere prout in confirmatione domini Walteri Candidecase episcopi super hoc confecta et dictis canonicis collata plenius continetur Volumus itaque et auctoritate episcopali nostra confirmamus ut predicti canonici de Driburgh perpetuo teneant et possideant supradictam ecclesiam cum omnibus ad eandem pertinentibus ita libere et quiete plenaria et honorifice sicut aliqui viri religiosi aliquod beneficium ecclesiasticum in regno Scotie liberius et quietius plenius et honorificentius tenent et possident In cujus rei testimonium presenti scripto sigillum capituli nostri duximus apponendum Teste capitulo nostro []