Charter Document - 07300073
| Charter Number: | 07300073 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1200 - 1226 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus [] Robertus de Veteri ponte salutem Noverit universitas vestra me divine pietatis intuitu dedisse concessisse et hac presenti carta mea confirmasse Deo et ecclesie sancte Marie de Driburgh et fratribus meis canonicis ibidem Deo servientibus et servituris in liberam puram et perpetuam elemosinam ad incrementum ecclesie de minore Sowrby quam eisdem caritative contuli totam terram illam in dicta villa que se extendit in longum a parva cruce que sita est in occidentali parte ecclesie ville prenominate usque ad antiquum rivulum illum qui defendit de terra Willelmi de Anewith ex orientali parte predicte ville et que in latum se extendit a publica et antiqua via ex australi parte dicte ecclesie existente usque ad parvam crucem illam que sita est in aquilonali parte prefate ville sicut terram illam prefatis canonicis coram probis hominibus perambulare et mensurare feci Tenendam inperpetuum pro salute animarum patris mei et matris mee et pro salute anime mee et uxoris mee et pro salute omnium antecessorum et successorum meorum adeo libere quiete et plenaria et honorifice sicuti aliqua elemosina in toto regno Scotie ab aliquibus viris religiosis liberius quietius plenius et honorificentius potest teneri vel possideri Ut hec autem mea donatio libera perpetuum robur firmitatis optineat presenti scripto sigillum meum apponi feci Testibus []