Charter Document - 07300071
| Charter Number: | 07300071 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1200 - 1226 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie [] Robertus de Veteri ponte eternam in Domino salutem Noverit universitas vestra me divine pietatis intuitu dedisse concessisse et hac mea presenti carta confirmasse Deo et ecclesie sancte Marie de Driburgh et fratribus meis canonicis ibidem Deo servientibus vel servituris in liberam puram et perpetuam elemosinam jus patronatus ecclesie sancti Michaelis de minore Sowreby in Galwythya et quicquid juris habui vel habere potui in eadem ecclesia cum omnibus pertinentijs et rectitudinibus suis Tenendam sibi inperpetuum pro salute anime domini mei Alani filij Rollandi et pro salute anime patris mei et matris mee et pro salute anime mee et uxoris mee et omnium antecessorum et successorum meorum ita libere et quiete plenaria et honorifice sicut aliquis patronus in regno Scotie aliquid jus patronatus vel aliud jus in ecclesia alicui ecclesie vel viris religiosis liberius quietius plenaria et honorificentius conferre potest Ut hec mea libera donatio in perpetuum rata permaneat et inconcussa presentem cartam predictis canonicis fratribus meis mere caritatis intuitu contuli sigilli mei appositione roboratam []