Charter Document - 07300069
| Charter Number: | 07300069 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1235 - 1273 |
| Date type: | Assigned |
| Resource Link(s): |
People of Medieval Scotland |
Charter:
Universis sancte matris ecclesie [] Gregorius permissione divina prior Candidecase et ejusdem loci conventus eternam in Domino salutem Ad universitatis notitiam vestre volumus pervenire nos unanimi consensu et assensu capituli nostri concessisse et hac presenti carta nostra confirmasse Deo et ecclesie sancte Marie de Driburgh et canonicis ibidem Deo servientibus collationem eisdem factam super jure patronatus ecclesie de Worgis prout in instrumento domini Radulphi de Campania dictis canonicis super hoc confecto liberius et plenius continetur Concedimus etiam auctoritate capituli nostri et confirmamus jam dictis canonicis de Driburgh concessionem et confirmationem quam venerabilis pater noster Gilbertus miseracione divina Candidecase episcopus eisdem super jam dicta ecclesia de Worgis fecit ut scilicet secundum tenorem confirmationis ejusdem prefatam ecclesiam in usus proprios perpetuo teneant et possideant salva vicaria ab eodem venerabili patre nostro Gilberto taxata et ordinata prout carta ejusdem super hoc confecta testatur plenius et proportat Ut autem hec nostra concessio et confirmacio perpetue firmitatis robur optineat presens scriptum sigillo capituli nostri [duximus] roborandum Teste eodem capitulo nostro []