Charter Document - 07300066
| Charter Number: | 07300066 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1235 - 1253 |
| Date type: | Assigned |
| Resource Link(s): |
People of Medieval Scotland |
Charter:
Gilbertus miseracione divina Candidecase episcopus universis sancte [] eternam in Domino salutem Sciatis me concessisse et hac presenti carta mea confirmasse Deo et ecclesie sancte Marie de Driburgh et canonicis ordinis Premonstratensis ibidem Deo servientibus et servituris in liberam puram et perpetuam elemosinam ecclesiam sancti Nicholayi de Worgis cum omnibus pertinentijs suis tenendam perpetuo libere quiete plenaria et honorifice Concedimus et ipsis canonicis pietatis intuitu necessitatibus eorum compacientes ut perpetuo a decessu Wilelmi de Gemlifton clerici eandem ecclesiam ad presentationem abbatis et dictorum canonicorum possidentis liceat eis libere de proventibus ipsius ecclesie ad utilitatem suam et ecclesie sue sicut sibi melius expedire viderint disponere et eosdem proventus in usus proprios convertere et possidere salva in eadem ecclesia vicaria decem marcarum argenti cum sex acris terre arabilis et una acra prati predictis abbate et canonicis nobis vel successoribus nostris ydoneam personam ad eandem vicariam cum vacare contigerit canonice presentantibus que quidem vicaria nobis et successoribus nostris de episcopalibus synodalibus archidiaconatibus et extraordinarijs pro portione ipsam contingente respondeat Volumus itaque et episcopali auctoritate confirmamus ut predicti canonici de Driburgh perpetuo teneant et possideant supradictam ecclesiam cum omnibus ad eandem pertinentibus prout superius continetur ita libere et quiete plenaria honorifice sicut aliqui viri religiosi aliquod beneficium ecclesiasticum in episcopatu nostro liberius et quietius plenius et honorificentius tenent et possident Ut autem hec nostra confirmacio et concessio perpetuum robur firmitatis optineat presens scriptum sigilli nostri apposicione duximus roborandum Testibus []