Charter Document - 07300065
| Charter Number: | 07300065 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1200 - 1232 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus [] Nicolayus de Campania salutem Noveritis me divine caritatis intuitu concessisse et hac presenti carta mea confirmasse Deo et sancte Marie et canonicis de Driburgh ordinis Premonstratensis donationem illam super jure patronatus ecclesie de Worgis in Galwithya quam quondam dominus Radulphus de Campania miles avus meus fecit eisdem canonicis per cartam suam Quare volo pro me et heredibus meis ut dicti canonici jus patronatus dicte ecclesie teneant et habeant inperpetuum absque reclamatione mei vel heredum meorum adeo libere et quiete sicut carta dicti avi mei plenius testatur et proportat Ut autem hec mea confirmatio robur immobilis firmitatis optineat presenti scripto sigillum meum apposui Testibus []