Charter Document - 07300063
| Charter Number: | 07300063 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1177 - 1178 |
| Date type: | Internal, A.D. |
| Resource Link(s): |
People of Medieval Scotland |
Charter:
In nomine sancte trinitatis et individue unitatis ad confirmandam perpetuam in Domino pacem inter canonicos de Geddkirch et canonicos de Driburgh hec inter utriusque ecclesie conventum multis consulentibus et assistentibus viris egregijs conventio facta est anno ab incarnatione domini MCLXXVIJ In primis quidem firma concessione uterque in hoc conventus auctore Deo convenit ut pax sincera et fraternitas vera perpetuis inter eos temporibus inviolabiliter teneatur ubicumque harum ecclesiarum fratres convenerunt honore invicem prevenientes simul secundum Deum stabunt in quocunque negocio regno mutuo consilio et auxilio indiguerint quantum eis caritas dictaverit et facultas eis ministraverit posse pro confirmacione vero jocunde hujus bonitatis et bone jocunditatis et ut inter eos perpetuo duret convenit abbatibus et utrique conventui concessione totius capituli sui ut canonici de Gedwirth ecclesiam de Newtown quietam in eternum ab omni querela liberam teneant et canonici de Driburgh ecclesiam de Lessedewyn quietam in eternum et ab omni querela liberam teneant perpetuum utrinque universis successoribus suis silentium imponentes ne aliquam ad invicem de hijs ecclesijs suis querelam movere presumant Item pro confirmacione hujus pacis fraterne abbas et conventus de Driburgh singulis inperpetuum annis duas marcas canonicis de Gedwirth de camera sua persolvent unam ad festum sancti Martini et unam ad pentecosten Hujus vero confederationis et conventionis testes sunt et suis eam sigillis extra pendentibus confirmaverunt dominus noster Willelmus rex Scotie et David frater ejus sancti Andree [] episcopus