Charter Document - 07300062
| Charter Number: | 07300062 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1177 - 1178 |
| Date type: | Assigned |
| Resource Link(s): |
People of Medieval Scotland |
Charter:
Hec est conventio inter canonicos de Geddkirch et canonicos de Driburgh scilicet ut canonici de Geddkirch pratum proprietatem habeant ecclesie de Neutoun et eam perpetuo possideant convenientibus in hoc canonicis de Driburgh et perpetuum suis successoribus silentium imponentibus ne aliquam contra eandem ecclesiam in eternum querelam movere presumant Canonicis vero de Geddkirch convenit ut canonici de Driburgh ecclesiam de Lessedewyn liberam ab omni querela habeant perpetuum et ipsi suis successoribus silentium imponentes ne ullam aliquo tempore contra hanc ecclesiam de Lessedewyn querelam movere presumant Clericorum vero qui easdem ecclesias tenent videlicet magistri Johannis et Willelmi de Causi salva erit tenura in vita sua ita quod annuatim reddent canonici de Geddkirch de ecclesia de Neutoun marcam unam et canonici de Driburgh de ecclesia de Lessedewyn marcas duas Cum vero unus eorum de hac vita decesserit medietatem ecclesie de Lessedewyn canonici de Driburgh habebunt et canonici de Geddkirch medietatem ecclesie de Newtoun Ille vero clericus qui superstes fuerit partem suam in vita sua tenebit medietatem scilicet de Lessidewyn et medietatem ecclesie de Newtoun reddendo inde annuatim canonicis de Driburgh de ecclesia de Lessedewyn marcam unam et canonicis de Geddkirch marcam dimidiam Cum autem et ipse decesserit ex tunc canonici de Geddkirch habebunt totam ecclesiam de Newtoun et canonici de Driburgh totam ecclesiam de Lessedewyn Cum vero canonici de Geddkirch totam ecclesiam de Newtoun habuerint et canonici de Driburgh totam ecclesiam de Lessedewyn tunc primum incipient canonici de Driburgh persolvere annuatim perpetualiter canonicis de Geddkirch duas marcas unam ad festum sancti Martini et unam ad Pentecosten Hujus conventionis testes sunt et suis eam sigillis extra pendentibus confirmaverunt Jocelinus episcopus Glasguensis Johannes abbas de Kelkou cum sigillo conventus sui []