Charter Document - 07300059
| Charter Number: | 07300059 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1153 - 1172 |
| Date type: | Assigned |
| Resource Link(s): |
People of Medieval Scotland |
Charter:
Robertus de Londonia omnibus [] salutem Sciant tam posteri quam presentes me pro salute anime mee et animabus patris et matris mee et omnium antecessorum et successorum meorum concessisse et hac mea carta confirmasse in puram et liberam elemosinam terras quas Thomas de Londonia dedit et confirmavit ecclesie sancte Marie de Lessedewyn scilicet toftas quas habuit ex australi parte ecclesie et dimidium pomerij juxta ecclesiam quod suum erat et terram et pratum ex occidentali parte ipsius ecclesie usque ad magnam viam que vadit erga Eldoun et ex aquilonali parte terram a cimiterio ultra quoddam vetus fossatum sicut eam in principio dedit et assignavit usque in Twedam in liberam et perpetuam elemosinam pro animabus antecessorum et successorum suorum et persona predicte ecclesie faciet unam missam singulis ebdomadis cantari super altare sancte Margarete virginis quod predictus Thomas de Londonia fieri jussit pro anima Margarete sponse sue et pro animabus omnium fidelium defunctorum