Charter Document - 07300052
| Charter Number: | 07300052 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1233 - 1258 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie [] Willelmus miseratione divina ecclesie Glasguensis minister eternam in Domino salutem Noverit universitas vestra nos ad imitationem predecessorum nostrorum episcoporum Glasguensium divine pietatis intuitu et pie religionis optentu de consensu et assensu capituli nostri et ecclesie Glasguensis episcopali auctoritate confirmasse ecclesie sancte Marie de Driburgh et canonicis ibidem Deo servientibus ecclesiam de Lanark cum capella sua de Padeuenane et capella de Clegern spectante ad matricem ecclesiam de Lanark liberam quietam et immunem ab omni exactione secundum formam carte pie memorie Walteri episcopi Glasguensis predecessoris nostri super eadem eisdem collate et illam carucatam terre quam Nicolaus clericus tenuit in Padeuenene cum omnibus ad prefatam ecclesiam et suas capellas pertinentibus ecclesiam etiam de Lassedevyne cum omnibus pertinencijs suis et cum terris domibus reditibus et possessionibus quas in parochijs dictarum ecclesiarum suarum in episcopatu nostro juste tenent et possident que omnia presentis scripti patrocinio communimus et perpetuo usibus eorum et necessitatibus necessarie et illibate profutura confirmamus volentes ut dicti canonici prenominatas ecclesias cum omnibus pertinentijs suis in liberam plenam et perpetuam elemosinam in usus proprios cum ceteris bonis suis prenotatis ita libere quiete plenaria et honorifice possideant et teneant sicut aliqui viri religiosi ecclesias vel ecclesiastica beneficia in dioecesi Glasguensi liberius quiecius plenius et honorificencius tenent et possident et ut prefatis ecclesijs suis per fratres suos canonicos honeste deserviant salvo nobis et successoribus nostris jure episcopali in omnibus Ut autem nostra confirmacio debitam optineat securitatem eam presentis scripti patrocinio et sigilli nostri appositione duximus roborandam Testibus []