Charter Document - 07300051
| Charter Number: | 07300051 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1232 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus sancte matris [] Walterus miseratione divina ecclesie Glasguensis episcopus eternam in Domino salutem Noverit universitas vestra nos ad imitacionem predecessorum nostrorum Herberti et Jocelini predecessorum episcoporum Glasguensium divine pietatis intuitu et pie religionis optentu de consensu et assensu capituli nostri concessisse et episcopali auctoritate confirmasse ecclesie sancte Marie de Driburgh et canonicis ibidem Deo servientibus ecclesiam de Lanark cum capella sua de Padeuenane et capella de Clegern liberam quietam et immunem ex omni exactione spectantem ad matricem ecclesiam de Lanark secundum formam carte nostre dictis canonicis super eadem collate et illam carucatam terre quam Nicholaus clericus tenuit in Padeuenane cum omnibus ad prefatam ecclesiam et suas capellas pertinentibus ecclesiam eciam de Lassedewyne cum omnibus pertinentijs suis et cum terris domibus reditibus possessionibus quas in parochijs dictarum ecclesiarum suarum sive in episcopatu nostro juste et pie tenent et possident que omnia presentis scripti patrocinio communimus et perpetuo usibus eorum et necessitatibus integre et illibate profutura confirmamus Volumus ut dicti canonici prenominatas ecclesias cum omnibus pertinentijs suis in liberam puram et perpetuam elemosinam in usus proprios cum ceteris bonis suis prenotatis ita libere quiete plenaria et honorifice teneant et possideant sicut aliqui viri religiosi ecclesias suas vel ecclesiastica beneficia in dioecesi Glasguensi liberius quiecius plenius et honorificencius tenent et possident salvo nobis et successoribus nostris jure episcopali in omnibus In cujus rei testimonium presenti scripto sigillum nostrum apponi fecimus Testibus [] Datum apud Alnecrum anno gracie millesimo CC tricesimo secundo die sancti Dunstani episcopi