Charter Document - 07300050
| Charter Number: | 07300050 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1227 - 1232 |
| Date type: | Assigned |
| Resource Link(s): |
People of Medieval Scotland |
Charter:
Walterus Dei miseracione Glasguensis minister omnibus sancte matris ecclesie [] eternam in Domino salutem Noverit universitas vestra nos divine pietatis intuitu de consensu et assensu capituli nostri concessisse et hac carta nostra confirmasse auctoritate episcopali ecclesie sancte Marie de Dryburgh et canonicis ibidem Deo servientibus capellam de Clegern tenendam et habendam inperpetuum liberam quietam et immunem ab omni indebita exactione tanquam capellam de jure spectantem ad matricem ecclesiam eorum de Lanark ita scilicet quod nos et successores nostri ratione synodalium vel cujuscumque juris episcopalis quod ad nos pertinere possit nichil a dictis canonicis exigere valeamus ratione predicte capelle preter quatuor solidos tantum nobis et successoribus nostris pro synodalibus et generaliter alia exactione annuatim pro bono pacis solvendos per manum ministrantis in matrici ecclesia de Lanark honeste Dicti autem canonici prefate capelle per capellanos suos de Lanark honeste tanquam capelle facient de serviri Ut autem hec nostra concessio et confirmatio perpetuum robur optineat firmitatis eam presenti scripto et sigilli nostri appositione duximus roborandam Teste magistro Hugone archidiacono nostro