Charter Document - 07300047
| Charter Number: | 07300047 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1173 - 1214 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gracia rex Scottorum episcopis abbatibus comitibus baronibus justiciarijs ministris et omnibus probis hominibus tocius terre sue clericis et laicis salutem Sciant presentes et futuri me dedisse et concessisse et hac carta mea confirmasse Deo et ecclesie sancte Marie de Dryburgh et canonicis ibidem Deo servientibus in liberam et perpetuam elemosinam terram illam in Padenane quam Robertus filius Werenberti vicecomes meus de Lanark ad opus meum perambulavit et sue sivit precepto meo illam scilicet terram quam canonici predicti tenuerant tempore regis David avi mei et regis Malcolmi fratris mei et meo Concedo etiam eis toftum et croftum ad capellam de Paduenane et communem pasturam ejusdem ville quantum ad personam ipsius capelle pertinet Volo itaque et firmiter precipio ut elemosinam predictam ita libere et quiete et honorifice habeant et teneant sicut alias elemosinas suas liberius quiecius et honorificencius tenent Testibus []