Charter Document - 07300045
| Charter Number: | 07300045 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1175 - 1199 |
| Date type: | Assigned |
| Resource Link(s): |
People of Medieval Scotland |
Charter:
Jocelinus Dei gracia Glasguensis episcopus omnibus sancte matris ecclesie filijs salutem in Christo Notum sit vobis nos concessisse et hac carta nostra et episcopali auctoritate confirmasse Deo et ecclesie sancte Marie de Driburgh et canonicis ibidem Deo servientibus in liberam et perpetuam elemosinam ecclesiam de Lanark cum capella de Paduenane et omnibus ad eandem ecclesiam et capellam pertinentibus tenendam perpetuo libere et quiete plenaria et honorifice Concedimus eciam illis et confirmamus pietatis intuitu necessitatibus eorum compatientes ut perpetuo a die decessus Hugonis capellani cui eandem ecclesiam in vita illius tenendam concesserunt in continenti liceat eis absque alicujus contradictione de proventibus ipsius ecclesie et capelle et omnium ad eas pertinencium ad utilitatem domus sue sicut sibi melius expedire viderint disponere et eosdem proventus libere in usus suos convertere et possidere Quare volumus et episcopali auctoritate et sigilli nostri appositione eisdem canonicis confirmamus ut predictam ecclesiam cum omnibus pertinentijs suis perpetuo ita libere quiete plenaria et honorifice teneant et possideant sicut aliqui viri religiosi aliquam ecclesiam sive ecclesiasticum beneficium in episcopatu Glasguensi liberius quiecius plenius et honorificencius tenent et possident salvis episcopalibus Testibus []