Charter Document - 07300044
| Charter Number: | 07300044 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1150 |
| Date type: | Assigned |
| Resource Link(s): |
People of Medieval Scotland |
Charter:
Herebertus Dei gracia Glasguensis episcopus tam futuris quam presentibus sancte matris ecclesie filijs salutem Notum sit vobis omnibus nos concessisse et per hanc cartam episcopali auctoritate confirmasse ecclesie sancte Marie de Driburgh et canonicis ibidem Deo servientibus et servituris ecclesiam de Lanark cum capella de Pedynnane cum omnibus pertinentijs et rectitudinibus earum et illam carucatam terre in Pedynnane quam Nicholaus clericus tenuerat que omnia David rex Scottorum illis in liberam et perpetuam elemosinam dedit et carta sua confirmavit Volumus itaque et ad canonice religionis provectum pietatis intuitu eis concedimus et confirmamus ut predictam ecclesiam et capellam et omnia que ad eas pertinent perpetuo in usus suos ita libere quiete et plenaria teneant et possideant sicut aliqua domus religionis aliquam ecclesiam aut aliquod beneficium ecclesiasticum in episcopatu Glasguensi liberius et quiecius et plenius tenet et possidet et sicut carta domini regis donat et testatur salvo jure episcopali Testibus []