Charter Document - 07300042
| Charter Number: | 07300042 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1224 - 1227 |
| Date type: | Assigned |
| Resource Link(s): |
Embedded Document People of Medieval Scotland |
Charter:
Gregorius permissione divina episcopus Brechinensis et Germanus prior de Restinot et Dionisius decanus de Angusia omnibus has [] eternam in Domino salutem Literas domini Pape recepimus in hec verba [] Hujus auctoritate mandati Walterum de Congilton militem sepius citari fecimus ut coram nobis compareret Willelmo de Golyn rectori ecclesie de Golyn secundum formam mandati apostolici responsurus et juri pariturus tandem post multas dilaciones et diutinas expectationes utraque pars consensit virum venerabilem Willelmum episcopum sancti Andree ut de pace perpetua inter matricem ecclesiam de Golyn et capellam de Congilton et Willelmum rectorem ecclesie ejusdem de Golyn et Walterum de Congilton militem reformando ordinaret qui recepta juratoria cautione ab utraque parte quod staret ejus ordinationi et non quereret artem vel ingenium veniendi per se vel per alium contra ipsius ordinacionem presentibus domino Johanne de Wallibus patrono et Willelmo de Wallibus persona in hunc modum ordinavit scilicet quod Willelmus rector ecclesie de Golyn inveniet capellanum suis sumptibus qui ministret in capella de Congilton quem amovere poterit cum viderit expedire et alium statuere salvis matricis ecclesie de Golyn oblationibus et obvencionibus et rectitudinibus omnimodis eam contingentibus salvis eciam eidem rectori ecclesie de Golyn et successoribus suis terris assignatis in territorio de Congilton et de Estyr Fenton cum uno tofto in Congilton et cum duobus toftis in Ester in Fenton ut de eis pro voluntate sua libere disponat et cum libera bracena in Estir Fenton et cum molendino et cum communi pastura in utraque villa ad octo boves et duos equos et quatuor vaccas et octoginta oves in liberam puram et perpetuam elemosinam Si autem dictus miles aliquem capellanum circa se retinere voluerit non celebrabit in capella de Congilton nisi prius facta fidelitate matrici ecclesie de Golyn et ejusdem rectori de omni indemnitate qui si contra juramentum suum venire presumpserit statim amoveatur Dictus autem miles et uxor ipsius et homines habentes domos in villa de Congilton cum ipsorum hominum familia venient ad matricem ecclesiam de Golyn tribus solemnibus diebus scilicet die sancti Andree et die natalis Domini et die Pasche ibidem divina audituri penitencias et ecclesiastica sacramenta percepturi carucarij vero non habentes domos in villa de Congilton et pedisseque et garri sere de aula et senes et valetudinarij de villa audient divina in prefata capella de Congilton et ibidem consessi per capellanum matricis ecclesie de Golyn ecclesiastica percipient sacramenta et pueri in villa de Congilton oriundi in capella de Congilton baptizabuntur Nos vero predictam ordinationem ratam et gratam habentes eam auctoritate apostolica confirmamus et apposicione sigillorum nostrorum una cum sigillo domini Willelmi episcopi sancti Andree corroboramus
Markups
Names Markup:
Gregorius permissione divina episcopus Brechinensis et Germanus prior de Restinot et Dionisius decanus de Angusia omnibus has [] eternam in Domino salutem Literas domini Pape recepimus in hec verba []embed Hujus auctoritate mandati Walterum de Congilton militem sepius citari fecimus ut coram nobis compareret Willelmo de Golyn rectori ecclesie de Golyn secundum formam mandati apostolici responsurus et juri pariturus tandem post multas dilaciones et diutinas expectationes utraque pars consensit virum venerabilem Willelmum episcopum sancti Andree ut de pace perpetua inter matricem ecclesiam de Golyn et capellam de Congilton et Willelmum rectorem ecclesie ejusdem de Golyn et Walterum de Congilton militem reformando ordinaret qui recepta juratoria cautione ab utraque parte quod staret ejus ordinationi et non quereret artem vel ingenium veniendi per se vel per alium contra ipsius ordinacionem presentibus domino Johanne de Wallibus patrono et Willelmo de Wallibus persona in hunc modum ordinavit scilicet quod Willelmus rector ecclesie de Golyn inveniet capellanum suis sumptibus qui ministret in capella de Congilton quem amovere poterit cum viderit expedire et alium statuere salvis matricis ecclesie de Golyn oblationibus et obvencionibus et rectitudinibus omnimodis eam contingentibus salvis eciam eidem rectori ecclesie de Golyn et successoribus suis terris assignatis in territorio de Congilton et de Estyr Fenton cum uno tofto in Congilton et cum duobus toftis in Ester in Fenton ut de eis pro voluntate sua libere disponat et cum libera bracena in Estir Fenton et cum molendino et cum communi pastura in utraque villa ad octo boves et duos equos et quatuor vaccas et octoginta oves in liberam puram et perpetuam elemosinam Si autem dictus miles aliquem capellanum circa se retinere voluerit non celebrabit in capella de Congilton nisi prius facta fidelitate matrici ecclesie de Golyn et ejusdem rectori de omni indemnitate qui si contra juramentum suum venire presumpserit statim amoveatur Dictus autem miles et uxor ipsius et homines habentes domos in villa de Congilton cum ipsorum hominum familia venient ad matricem ecclesiam de Golyn tribus solemnibus diebus scilicet die sancti Andree et die natalis Domini et die Pasche ibidem divina audituri penitencias et ecclesiastica sacramenta percepturi carucarij vero non habentes domos in villa de Congilton et pedisseque et garri sere de aula et senes et valetudinarij de villa audient divina in prefata capella de Congilton et ibidem consessi per capellanum matricis ecclesie de Golyn ecclesiastica percipient sacramenta et pueri in villa de Congilton oriundi in capella de Congilton baptizabuntur Nos vero predictam ordinationem ratam et gratam habentes eam auctoritate apostolica confirmamus et apposicione sigillorum nostrorum una cum sigillo domini Willelmi episcopi sancti Andree corroboramus