Charter Document - 07300040
| Charter Number: | 07300040 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1269 |
| Date type: | Internal, A.D., Calendar |
| Resource Link(s): |
Reference Document for this Embedded Document People of Medieval Scotland |
Charter:
Universis Cristi fidelibus [] Gamelinus miseratione divina ecclesie sancti Andree minister humilis salutem eternam in Domino Noverit universitas vestra quod de voluntate et consensu dilectorum filiorum abbatis et conventus de Dryburgh ordinis Premonstratensis talis per nos facta est ordinacio vicariarum parochialium ecclesiarum ipsorum abbatis et conventus videlicet quod vicarius secularis qui in ecclesia de Kylrethny ministrabit recipiet annuatim a dictis abbate et conventu decem marcas sterlingorum ad duos anni terminos videlicet medietatem ad penthecosten et aliam medietatem ad festum sancti Martini in hyeme et istud idem ordinamus et statuimus de vicario qui in ecclesia de Saltoun ministrabit Vicarius vero ecclesie de Golyn deserviturus recipiet a dictis abbate et conventu duodecim marcas sterlingorum annuas ad duos anni terminos supradictos Vicarius qui in ecclesia de Childenkirk ministrabit qui quidem faciet obedienciam tam pro ecclesia de Childenkirk quam pro capella de Laweder recipiet a prefatis abbate et conventu decem libras annuas ad duos anni terminos supradictos et dicti abbas et conventus facient de servire dicte capelle per duos honestos capellanos Et sciendum est quod dicti abbas et conventus omnia onera ordinaria et extraordinaria ad dictas ecclesias pertinencia sustinebunt a qui bus dicti vicarij erunt immunes excepto quod vicarius de Kilrethny pro domibus suis sitis in terra nostra solvet nobis et successoribus nostris annuatim tres solidos medietatem ad assumpcionem beate Virginis et medietatem ad purificationem beate Virginis dicti vero abbas et conventus alijs vicarijs domicilia assignabunt que ipsi vicarij in posterum sustentabunt Et si forte contingat prefatos abbatem et conventum per dictos vicarios vel dictos vicarios vel per aliquem successorum nostrorum contra istam ordinacionem nostram aliquo tempore indebite molestari volumus pro nobis et successoribus nostris ut liceat eisdem abbati et conventui dictis ecclesijs parochialibus per canonicos suos secundum tenorem indulgenciarum predecessorum nostrorum sibi indultarum sicut prius consueverant de servire Hec autem singula predicta pro nobis et successoribus nostris auctoritate episcopali confirmamus et in robur perpetuum et testimonium presenti scripto sigillum nostrum apponi fecimus Acta apud Inchemurthauch xiiij Kalendas Aprilis anno gracie millesimo CCLXVIII