Charter Document - 07300036
| Charter Number: | 07300036 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1221 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Omnibus Cristi fidelibus hoc scriptum visuris vel audituris frater Jacobus domini Pape penitenciarius et capellanus sedis apostolice Legatus salutem in Domino Noveritis universi quod cum questio verteretur coram nobis inter moniales de Suthberwik ex una parte et abbatem et canonicos de Driburgh et Willelmum de Wallibus ex altera super ecclesia de Golyn quam predicte moniales dicebant ad suam ecclesiam spectare de jure prefatis canonicis et Willelmo afferentibus e contra tandem intervenientibus amicis Domino volente talis transactio et amicabilis compositio facta est inter eos scilicet quod predicte moniales habeant in pace et quiete totum illud quod habebant in tempore litis mote et preter id totam decimam garbarum de Kyngeston quam percipiant et habeant post mortem Willelmi de Wallibus persone ecclesie de Golyn libere quiete inperpetuum sine contradictione et molestatione predictorum et successorum suorum Hijs autem exceptis et salvis magister et priorissa dictarum monialium auctoritate conventus et consensu manifesto renunciaverunt et resignaverunt omne jus utile et directum quod habebant vel quod videbantur habere in ecclesia vel ad ecclesiam supra dictam Hanc autem amicabilem compositionem ut supra legitur factam utraque pars confirmavit et approbavit promittentes fide data in manibus nostris se predictam compositionem ratam et firmam habere nec ullo tempore contravenire per se vel per successores suos vel per aliquam submissam personam Ut autem hec eorum voluntas et compositio firmiori robore fulciretur nostre auctoritatis suppliciter postularunt adjuvari consensu et muniri sigillo nos autem eorum justis precibus annuere cupientes prefatam compositionem acceptandam duximus et legationis auctoritate qua fungimur confirmandam facientes eam ad perpetuam ipsius firmitatem tam nostri quam utriusque partis sigillorum munimine roborari et inde precipimus duas cartas ejusdem tenoris fieri et utrique parti ut justum est suam assignari Acta sunt hec anno gracie millesimo CCXXI septimo decimo Kalendas Maij apud Kelcou Testibus []