Charter Document - 07300035

Omnibus Cristi fidelibus dominus Gregorius magister monialium et Froelina priorissa de Southberwik totusque ejusdem loci conventus salutem in Domino Noverint universi nos de communi consensu capituli nostri in presencia fratris Jacobi domini Pape penitenciarij et capellani apostolice sedis Legati in Scocia sponte et pure renunciasse omni juri quod habebamus vel habere credebamus in ecclesia de Golyn transactionis causa cum de hoc coram eodem Legato questio verteretur inter nos moniales ex una parte et abbatem et conventum de Driburgh et Willelmum de Wallibus ex altera salvo nobis et successoribus nostris toto eo in pace et quiete quod habebamus in tempore litis mote in parochia ejusdem ecclesie et preter id salva tota decima garbarum de Kyngeston quam percipiemus et habebimus post mortem Willelmi de Wallibus persone de Golyn libere et quiete sine aliqua contradictione Nos eciam in ejusdem Legati presencia juravimus quod nulla de cetero canonicis de Dryburgh super dicta ecclesia de Golyn vel ejus advocacione movebimus per nos vel per nos vel per successores nostras vel per aliquam submissam personam Insuper et cartas et omnia instrumenta que habebamus super eadem ecclesia in manus ejusdem Legati coram multis resignavimus supplicantes ipsi Legato ut prefate resignacioni et abjurationi nostre suam preberet auctoritatem et assensum Dictus vero Legatus precibus nostris misericorditer annuens dictam resignacionem et abjurationem nostram auctoritate legationis qua fungebatur confirmavit In cujus rei testimonium presenti carte sigillum ejusdem Legati una cum sigillo capituli nostri fecimus apponi Testibus []