Charter Document - 07300034
| Charter Number: | 07300034 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1180 - 1221 |
| Date type: | Assigned |
| Resource Link(s): |
People of Medieval Scotland |
Charter:
Omnibus Cristi fidelibus hoc scriptum visuris vel audituris Willelmus de Wallibus salutem Noverit universitas vestra me pro anima illustrissimi regis Willelmi et pro animabus patris mei et matris mee et pro anima mea et pro animabus heredum meorum dedisse et concessisse et hac carta mea confirmasse Deo et ecclesie sancti Andree de Golyn et rectoribus ejusdem ecclesie et successoribus eorum in eadem ecclesia succedentibus totum pratum proximum ville de Golyn ex australi parte excepta una acra quam dedi Osmundo de Golyn per easdem rectas divisas per quas Andreas quondam rector illius ecclesie predictum pratum plenius tenuit et preterea illud pratum in magno prato de Golyne quod prenominatus Andreas tenuit per easdem rectas divisas per quas idem Andreas illud pratum melius et plenius tenuit Tenenda et habenda predicta prata in liberam puram et perpetuam elemosinam adeo libere et quiete plenaria et honorifice sicut aliqua ecclesia aliquam elemosinam in regno Scocie ex dono alicujus baronis liberius quietius plenius et honorificencius tenet et possidet Et ut hec mea donatio et concessio rata et illibata permaneat inperpetuum eam presentis scripti munimine et sigilli mei apposicione roboravi et ad majorem securitatem sigillum suum fecit apponi Testibus []