Charter Document - 07300032
| Charter Number: | 07300032 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1240 - 1253 |
| Date type: | Assigned |
| Resource Link(s): |
People of Medieval Scotland |
Charter:
Omnibus Cristi fidelibus hoc scriptum visuris vel audituris Johannes de Wallibus salutem Noveritis quod cum venerabilis in Cristo pater David Dei gracia episcopus sancti Andree consentientibus viris religiosis abbate et conventu de Dryburgh cantarium capelle a me fundate in villa de Dirltoun concesserit ego indemnitati matricis ecclesie de Golyn volens in omnibus providere promitto pro me et heredibus meis quod omnes et omnimodas obvenciones ad dictam capellam pervenientes inperpetuum faciemus fideliter et integre ad matricem ecclesiam deferri Et quicunque in dicta capella ministraverit antequam ministret fidelitatem canonico jurabit qui in ecclesia pro tempore ministrabit Quod si aliquod dampnum per dictam capellam matrici ecclesie fuerit irrogatum volo quod canonicus qui in eadem ministrabit potestatem habeat dictam capellam suspendendi quoad usque dictum dampnum plenaria resarciatur Et ego et heredes mei dicte capelle in perpetuum expensis nostris proprijs faciemus honeste de serviri In cujus rei testimonium presenti scripto sigillum meum apposui Testibus []