Charter Document - 07300030
| Charter Number: | 07300030 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1221 - 1238 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia episcopus sancti Andree omnibus has literas visuris vel audituris eternam in Domino salutem Noverit universitas vestra nos auctoritate episcopali confirmasse Deo et ecclesie beati Andree de Golyn concessionem illam quam bone memorie Willelmus de Wallibus fecit pro se et heredibus suis dicte ecclesie scilicet quod ipse et heredes sui capelle sancti Andree de Dirlton sumptibus suis in perpetuum de serviri facient et ad hoc ipsum et heredes suos obligavit ita quod capellanus qui in predicta capella ministrabit jurabit fidelitatem matrici ecclesie de Golyn quod in oblacionibus et ceteris obventionibus ecclesiasticis eandem ecclesiam conservabit indemnem Et si forte capellanus qui in predicta capella ministrabit contra predictum juramentum venerit licebit rectoribus ecclesie de Golyn auctoritate nostra eundem ab administratione predicte capelle omni appellatione et contradictione remota amovere In recognitionem autem juris matricis ecclesie de Golyn solvet predicta capella de Dyrltone eidem ecclesie unam libram thuris ad festum sancti Andree annuatim sicut continetur in carta Willelmi de Wallibus Ut autem hec nostra confirmatio rata et illibata permaneat eam presentis scripti patrocinio eam sigilli nostri munimine duximus roborandam Testibus []