Charter Document - 07300029
| Charter Number: | 07300029 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1221 - 1238 |
| Date type: | Assigned |
| Resource Link(s): |
People of Medieval Scotland |
Charter:
Omnibus Cristi fidelibus has literas visuris vel audituris Willelmus de Wallibus salutem Noverit universitas vestra me Dei intuitu pro me et heredibus meis concessisse Deo et ecclesie sancti Andree de Golyn quod ego et heredes mei capelle sancti Andree de Dyrltoun sumptibus nostris in perpetuum de serviri faciemus et ad hoc me et heredes meos obligavi ita quod capellanus qui in predicta capella ministrabit jurabit fidelitatem matrici ecclesie de Golyn quod in oblacionibus et ceteris obvencionibus ecclesiasticis eandem ecclesiam conservabit indemnem Et si forte capellanus qui in dicta capella ministrabit contra predictum juramentum venerit licebit rectoribus ecclesie de Golyn eundem ab administracione predicte capelle omni appellacione et contradictione remota amovere In recognitionem autem juris matricis ecclesie de Golyn solvet predicta capella de Dyrlton eidem ecclesie unam libram thuris annuatim ad festum sancti Andree Ut hec mea concessio rata et illibata permaneat eam presentis scripti testimonio et sigilli mei appositione roboravi Testibus []