Charter Document - 07300027
| Charter Number: | 07300027 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1221 - 1229 |
| Date type: | Assigned |
| Resource Link(s): |
People of Medieval Scotland |
Charter:
Willelmus miseratione divina ecclesie sancti Andree minister humilis omnibus sancte matris ecclesie filijs has literas visuris vel audituris eternam in Domino salutem Noverit universitas vestra nos divine pietatis intuitu dedisse concessisse et episcopali auctoritate confirmasse abbati et conventui de Driburgh ordinis Premonstratensis ecclesiam de Golyn cum omnibus pertinentijs in puram et perpetuam elemosinam in usus proprios perpetuo possidendam ad suam sustentationem et pauperum susceptionem salvis episcopalibus et salvo annuo cano quatuor marcarum nobis et successoribus nostris salva eciam compositione facta inter dictos abbatem et conventum de Dryburgh et Willelmum de Wallibus militem ex parte una et prior issam et moniales de Suthberwik ex altera auctoritate fratris Jacobi domini Pape penitentiarij et capellani tunc temporis in Scocia Legati sicut in scripto inter eosdem super hoc confecto continetur salva quoque ordinatione quam fecimus de eadem ecclesia auctoritate Lateranensis concilij Willelmo de Golyn et Willelmo de Wallibus clericis nostris in vita eorum Quare volumus ut prefati abbas et canonici dictam ecclesiam cum suis pertinentijs post decessum dictorum clericorum sine contradictione aliqua in perpetuum habeant et possideant in usus proprios ita libere quiete plenaria et honorifice sicut aliqui viri religiosi in dioecese nostra aliquam ecclesiam vel ecclesiasticum beneficium liberius quiecius plenius et honorificentius possident salvis sicut supradictum est episcopalibus et annuo cano et com positione predicta Ut autem hec nostra donatio concessio et confirmatio robur optineat perpetue firmitatis eam presentis pagine testimonio et sigilli nostri munimine duximus roborandam Testibus []