Charter Document - 07300025
| Charter Number: | 07300025 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1221 - 1267 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filijs hoc scriptum visuris vel audituris Johannes de Vallibus eternam in Domino salutem Noverit universitas vestra me divine pietatis intuitu concessisse et hac presenti carta mea confirmasse Deo et ecclesie sancte Marie de Driburgh et ecclesie sancti Nicholaij in insula de Elbotle et abbati et conventui de Driburgh et canonicis ejusdem domus in eadem insula servientibus vel servituris donacionem illam quam pater meus prefate domui et canonicis predictis in perpetuam elemosinam fecit super ecclesia de Golyn et omnibus ejus pertinentijs sicuti in carta ipsius patris mei ipsis collata super hoc plenius continetur Tenendam sibi inperpetuum in liberam puram et perpetuam elemosinam pro salute domini mei Alexandri regis Scottorum et pro salute anime dicti patris mei et matris mee et pro salute anime mee et animarum omnium antecessorum et successorum meorum salva possessione Willelmi de Vallibus fratris mei in vita sua Quare volo concedo et confirmo ut prefati abbas et canonici dictam ecclesiam de Golyn cum omnibus suis justis pertinentijs cedente vel decedente predicto Willelmo de Vallibus fratre meo sine contradictione aliqua inperpetuum habeant et possideant ita libere quiete et plenaria et honorifice sicut aliquis patronus in regno Scocie aliquod jus in ecclesia et beneficium ecclesiasticum alicui ecclesie vel viris religiosis liberius quiecius plenius et honorificencius concedere potest et confirmare Ut autem hec mea concessio voluntas et confirmacio robur optineat perpetue firmitatis presentem cartam scribi feci et cum sigilli mei apposicione roboravi Testibus []