Charter Document - 07300023
| Charter Number: | 07300023 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1221 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filijs presentibus et futuris Willelmus de Wallibus salutem in Domino Noverit universitas vestra me divine pietatis intuitu in presencia fratris Jacobi domini Pape penitenciarij tunc temporis apostolice sedis legati in Scotia dedisse et concessisse et hac mea carta confirmasse Deo et sancte Marie et ecclesie sancti Nicholaij et canonicis de Driburgh ordinis Premonstratensis eidem ecclesie sancti Nicholaij in insula de Elbotile servientibus vel servituris in liberam puram et perpetuam elemosinam jus patronatus ecclesie de Golyne et quicquid juris habui vel habere potui in eadem ecclesia salvo eo quod moniales de Suthberwik in parochia ejusdem ecclesie habere debent prout in scriptis inter me et illas factis continetur Tenendum sibi inperpetuum pro salute anime domini mei Willelmi regis Scottorum et successorum ejus et pro salute anime mee et omnium antecessorum et successorum meorum ita libere quiete plenaria sicut aliquis patronus regno Scotie aliquod jus patronatus vel aliud jus in ecclesia alicui ecclesie vel viris religiosis liberius quiecius et plenius conferre potest Hanc autem donacionem meam in integrum ut supra continetur promitto pro me heredibusque meis sub obligacione omnium bonorum meorum prefate ecclesie sancti Nicholaij et canonicis ibidem Deo servientibus presentibus et futuris defendere et warantizare ab omni homine qui prefate ecclesie super dicta donatione de facto vel de jure molestiam fecerit vel questionem moverit Promitto eciam pro me heredibusque meis nunquam contra prefatam ecclesiam vel donacionem aliquo tempore venire sed eam inperpetuum ratam et firmam habere nullam violenciam faciendo per me et heredes meos vel in questionem movendo Ut autem hec mea donacio rata maneat inperpetuum presentem cartam scribi feci et eam sigilli mei appositione roboravi Testibus []