Charter Document - 07300022
| Charter Number: | 07300022 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1220 - 1288 |
| Date type: | Assigned |
| Resource Link(s): |
People of Medieval Scotland |
Charter:
Omnibus Cristi fidelibus hoc scriptum visuris vel audituris Henricus de Anystrother salutem in Domino Noverit universitas vestra me divine pietatis intuitu et pro salute anime mee et pro salute anime Margarete sponse mee et pro salute animarum omnium antecessorum et successorum meorum dedisse et concessisse et hac carta mea confirmasse Deo et ecclesie sancte Marie de Driburgh et canonicis ordinis Premonstratensis ibidem Deo servientibus illas tres bothas in villa mea de Aynestrother quas bone memorie Henricus pater meus ipsis canonicis in vita sua dedit et concessit Tenendas et habendas dictis canonicis inperpetuum adeo libere et quiete sicut aliqua elemosina in regno Scocie ab aliquibus viris religiosis liberius et quietius tenetur et possidetur Ego autem et heredes mei dictas tres bothas dictis canonicis contra omnes homines et dotes mulierum warantizabimus acquietabimus et defendemus In cujus rei testimonium presens scriptum sigilli mei appositione roboravi Testibus []