Charter Document - 07300021
| Charter Number: | 07300021 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1281 - 1297 |
| Date type: | Assigned |
| Resource Link(s): |
Reference Document for this Embedded Document People of Medieval Scotland |
Charter:
Willelmus miseratione divina episcopus sancti Andree universis sancte matris ecclesie filijs hoc scriptum visuris vel audituris salutem in Domino Noveritis quod cum Margareta de Ardrosse filia domini Merleswan quondam domini de Innergelly de voluntate et consensu domini Hugonis de Perisby mariti sui resignaret in manus nostras totam terram que in tenemento de Innergelly ipsam jure hereditario contigit et totum jus hereditarium quod per decessum heredum eandem in dicto tenemento contingere posset in futurum ad infeodandum monasterium de Driburgh et abbatem et conventum ejusdem loci in dicta terra et in omni jure dictam Margaretam racione dicte terre contingente Nos dictorum Hugonis et Margarete precibus inclinati dictam terram et totum jus hereditarium quod per decessum heredum eandem contingere poterit in futurum dictis abbati et conventui de Driburgh in liberam puram et perpetuam elemosinam damus concedimus et episcopali auctoritate confirmamus pro salute anime nostre et pro animabus dictorum Hugonis et Margarete et pro animabus omnium antecessorum et successorum nostrorum Reddendo inde annuatim nobis et successoribus nostris pro omni servicio et demanda annuum redditum quem predecessores nostri de dicta terra percipere consueverunt Testibus []