Charter Document - 07300020
| Charter Number: | 07300020 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1281 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Venerabili patri in Cristo domino Willelmo Dei gracia episcopo sancti Andree Margareta de Ardrosse filia domini Merleswan quondam domini de Innergelly salutem Noverit reverenda vestra paternitas me constituisse dominum Hugonem de Perisby maritum meum procuratorem meum ad resignandum vobis totam terram de Innergellie que me contingit et con tingere poterit ad infeudandum monasterium de Driburgh et abbatem et conventum dicti loci in eadem terra in puram et perpetuam elemosinam pro salute anime dicti domini Hugonis mariti mei et mee et pro animabus omnium antecessorum et successorum nostrorum salvo vobis et successoribus vestris annuo redditu quem de dicta terra predecessores vestri percipere consueverunt Ratum et gratum habituri quicquid dictus dominus Hugo super dicta resignatione duxerit nomine meo faciendum In cujus rei testi monium has literas meas vobis mitto patentes Datum apud Neuton die sabbati proxima ante festum Michaelis archangeli anno gracie millesimo CC octogesimo primo